Il podest:
- 1. Sofia Goggia 1:44.70
- 2. Corinne Suter +0,24
- 3. Breezy Johnson + 0,27
Corinne Suter mussa er en sia segunda cursa rapida da la cuppa mundiala quest onn ina buna prestaziun. La Svizra da 26 onns ha gudagnà ier la cursa rapida ed oz è sulet Sofia Goggia stada pli svelta. Ier è lezza anc sa tschentada 11 tschientavels davos Suter.
In grond sigl ha fatg Michelle Gisin. Ella è stada il di avant 19 avla. Oz è ella vegnida 9avla.
Schmidhofer sa blessada ier
Per Nicole Schmidhofer è la stagiun das skis a fin. La skiunza austriaca – ch'è sgulada ier tras la saiv tar ina cupitgada tar la cursa rapida a Val d'Isère -ha rut ils lioms cruschads e laterals dal schanugl sanester.
