Be 0,31 secundas pli plaun che Kriechmayr sa tschenta il Svizzer Niels Hintermann sin il terz plaz. L'Austriac Vincent Kriechmayr gudogna la cursa rapida sin la «Streif» a Kitzbühel. Sco segund cumplettescha il Talian Florian Schieder il podest.
Ils Svizzers:
- 3. Niels Hintermann (+ 0,31)
- 11. Alexis Monney (+ 0,75)
- 12. Justin Murisier (+ 0,79)
- 20. Josua Metler (+ 1,17)
- 28. Beat Feuz (+ 1,42)
- 33. Gilles Roulin (+ 1,71)
- 36. Stefan Rogentin (+ 1,88)
- 47. Marco Odermatt (+ 3,20)
Il top favurit per blers, Marco Odermatt, croda bunamain ora. Be cnap po el evitar in accident, perda dentant la schanza da cuntanscher in bun plaz. Sco Swiss Ski communitgescha, haja el survegnì ina frida sin il schanugl sanester e desista perquai da la cursa rapida da damaun. El saja led ch'el na saja betg sa tschentà en rait, guardia dentant da di tar di vinavant. El stoppia schanegiar il schanugl.
video
Odermatt vegn bunamain bittà da la Streif
Or da Sport-Clip dals 20.01.2023.
laschar ir. Durada: 2 minutas 42 Secundas.