Ulteriur plaz da podest per Marco Odermatt: Il Svizzer è vegnì segund en la cursa rapida a Val Gardena en l'Italia. Per Odermatt èsi stà sia emprima cursa rapida sin questa pista. Pli spert è be stà l'Austriac Vincent Kriechmayr. Pils umens austriacs èsi l'emprima victoria en questa stagiun. Il podest vegn cumplettà cun in ulteriur Austriac, Matthias Mayer. En ina cursa fitg stretga èn ils emprims 28 atlets classads entaifer be ina secunda. Beat Feuz è vegnì novavel, gist avant il Grischun Stefan Rogentin. Marco Odermatt ha uschia terminà tut las 7 cursas da questa stagiun (slalom gigant, super-g e rapida) sin il podest.
- 1. Vincent Kriechmayr (AUT) 1:25,44 minutas
- 2. Marco Odermatt (SUI) +0,11
- 3. Matthias Mayer (AUT) +0,13
Ils ulteriurs Svizzers:
- 9. Beat Feuz +0,49
- 10. Stefan Rogentin +0,50
- 17. Niels Hintermann +0,63
- 18. Alexis Monney +0,72
- 41. Gilles Roulin +1,33
- 43. Urs Kyenbühl +1,43
- 48. Justin Murisier 1,75
- 49. Lars Rösti +1,82
video
Il Grischun Rogentin sa plazza en ils top 10
Or da Sport-Clip dals 15.12.2022.
laschar ir. Durada: 1 minuta 41 Secundas.