Corinne Suter ha gudagnà la cursa rapida olimpica avant las duas talianas Sofia Goggia e Nadia Delago. Per la campiunessa mundiala Suter, è quai l'emprima medaglia olimpica insumma.
Il podest:
- Corinne Suter SUI
- Sofia Goggia ITA + 0.16
- Nadja Delago ITA + 0.57
Da las ulteriuras Svizras è Joana Hählen ida per in diplom olimpic cun plazza 6. Jasmine Flury e Lara Gut-Behrami han pers passa 2 secundas e manchentà ina plazza tranter las top 10.
video
La cursa d'aur da Corinne Suter
Or da Beijing 2022 Clips dals 15.02.2022.
laschar ir. Durada: 1 minuta 49 Secundas.
Questa stagiun ha Suter adina mussà prestaziuns solidas ed è adina stada almain sin plazza 7 – savens però è Sofia Goggia stada pli sperta. Il pli sisum dal podest è Suter stada sulet a Garmisch la fin da schaner, nua che Goggia n'aveva betg pudì concurrer, suenter ch'ella era crudada a Cortina.
