Lara Gut-Behrami è vinavant la ferma. En la cursa rapida en la Val di Fassa cuntinuescha la Tessinaisa cun sia buna prestaziun. Ella vegn emprima e gist suenter ella suonda Corinne Suter. Terza è vegnida la Tudestga Kira Weidle.
Michelle Gisin e Jasmine Flury suondan sin las plazzas 7 ed 8. Ellas èn be 1 tschientavel in ord l'autra.
Cumbat per culla pitschna
En il cumbat per il classament general da la cuppa mundiala pon ussa be anc Lara Gut-Behrami e Corinne Suter vegnir malsegiras per Sofia Goggia che maina. Breezy Johnson è crudada or ed è uschia er crudada or en la cursa per la culla da cristal pitschna.
Plinavant ha Gut-Behrami surpassà Erika Hess, quai cun sia 32avla victoria en la cuppa mundiala. Be Vreni Schneider ha dumagnà anc dapli victorias.
Il podest:
- Lara Gut-Behrami 1:25,53
- Corinne Suter + 0,32
- Kira Weidle + 0,68
Las ulteriuras svizras:
- 7. Michelle Gisin
- 8. Jasmine Flury
- 17. Joana Hählen
- 18. Priska Nufer
- 22. Jasmina Suter
- 28. Noémi Kolly
- 37. Rahel Kopp
- OUT Katja Grossmann