Siglir tar il cuntegn

Header

cuntegn

Cursas da skis la fin d'emna San Murezzan è pront per las cursas da las dunnas

Las cursas da la cuppa mundiala da skis da las dunnas èn tradiziunalmain il tun da partenza en la stagiun d’enviern. A San Murezzan è tut pront per il spectacul sin pista.

Fin avant in’emna n'era anc betg cler sche las cursas a San Murezzan pon avair lieu. La Confederaziun aveva prendì il Canada sin la glista da quarantina. Tenor quella avessan las skiunzas ch'eran l’emna passada anc per cursas a Lake Louise – stuì ir diesch dis en quarantina. Per las cursas da questa fin d’emna a San Murezzan n'avess quai betg pli tanschì. La Confederaziun ha en il fratemp però aboli la glista da quarantina - e las cursas da la cuppa mundiala èn uschia pussaivlas.

audio
San Murezzan è pront per las cursas da skis
ord Actualitad dals 10.12.2021.
laschar ir. Durada: 2 minutas 43 Secundas.

Organisà davent da l’entschatta tut culla finamira da pudair far cursas

Tar l’organisaziun da las cursas da San Murezzan n'han las decisiuns dal Cussegl Federal betg midà bler. Davent da l’entschatta ha ins cumenzà dad organisar l’eveniment cun la finamira che quel possia avair lieu. Bain ha quai dà in mument in zichel discussiuns, tuttina ha ins lavurà sco usità vi da la preparaziun e vi da l’infrastructura per garantir cursas. Uschia è uss tut pront per in spectacul sin pista. Las skiunzas èn arrivadas en Engiadin'Ota. Lara Gut-Behrami, Corinne Suter e tut las autras èn prontas per cumbatter per il podest.  

RTR actualitad 17:00

Artitgels legids il pli savens

Scrollar a sanestra Scrollar a dretga