Siglir tar il cuntegn

Header

cuntegn

Cussegl d'administraziun Hans-Martin Meyer nov president da l'EHC Arosa

Suenter 18 onns che Ludwig Waidacher è stà a la testa dal cussegl d'administraziun, vegn ussa Hans-Martin Meyer a surpigliar ses post. El è vegnì elegì a la radunanza extraordinaria. L’interprendider da 57 onns tutga gia dapi il 2015 tar il cussegl d’administraziun.

Plinavant ha la radunanza er elegì Sergio Tarantino, Christian Winzeler e Peter Rötlisberger en il cussegl d'administraziun. Ludwig Waidacher sa retira da ses post sco president, resta dentant commember da l'associaziun da fauturs e sponsur.

Il nov president, Hans-Martin Meyer viva a Schlieren ed è oriund da Schaffusa. Enfin uss era el sur tut responsabel per il sponsoring, partenadis e relaziunss. L'econom ed interprendider posseda ina segunda abitaziun ad Arosa ed è perquai collià cun la vischnanca.

RTR novitads 17:00

Artitgels legids il pli savens