Tar questas partida encunter il vischin sentivian ins che tut eria chargià cun energia e tensiun. La raschun per quella tensiun vesa Arno Camenisch per ina tar la vischinanza dals dus clubs. Da l’autra vart vivia il derby era fitg da la legenda e da l’istorgia.
Perder encunter Trun fa bler pli mal che perder encunter Landquart.
Anc pli bler tensiun ch'uschigliò datti tenor Camenisch, sch’i va en il derby era anc per la posiziun en la tabella, cunquai che las equipas èn da strusch. E quai è il cas tar il derby da glindesdi. Danis-Tavanasa è sin plazza 3, Trun/Rabius cun tuttina blers puncts sin plazza 4. Omaduas equipas cun sulet 2 puncts damain ch’il capo-gruppa Vaz Sut.
