Per Laurien van der Graaff va la carriera en la cuppa mundiala a fin cun in 10avel plaz a Falun en la Svezia. En la staffetta mixta, sur 4x5 kilometers skating è la Grischuna stada a la partenza cun Lydia Hiernickel, Beda Klee e Candide Pralong.
Il pli grond success ha van der Graaff pudì festivar al campiunadi mundial nordic il 2021, cun Nadine Fähndrich ha ella gudagnà argient en il sprint da team. Gudagnà la staffetta mixta a Falun han ils Stadis Unids avant la Finnlanda e la Norvegia.