Dick Fosbury - Inventader dal «Fosbury Flop» è mort

La legenda americana da l'atletica leva Dick Fosbury è mort. Fosbury è stà l'emprim ch'è siglì enavos sur la latta tar il sigl en aut. Cun questa tecnica ha el gudagnà aur tar ils gieus olimpics 1968 a Mexico City. Al cumenzament è el vegnì ris ora da ses concurrents per sia tecnica nunconvenziunala, suenter ses success han dentant tut surtut sia tecnica, ch'è vegnida numnada il «Fosbury Flop».
Ussa è Dick Fosbury mort en ina vegliadetgna da 76 onns vi da cancer dals nufs limfatics.  Ses agent ha confermà quai. «Cun in cor grev duai jau infurmar, che mes ami da blers onns Dick Fosbury è sa durmentà paschaivlamain la dumengia bun'ura. El era in legenda veritabla.»