Siglir tar il cuntegn

Header

cuntegn

«Differentas opiniuns» Schef da biatlon Markuss Segessenmann banduna Swiss-Ski

Swiss-Ski ed il schef biatlon, Markus Segessenmann, na van betg pli sin via communabla. Sin fundament da differentas opiniuns co manar en l'avegnir il biatlon, hajan Segessenmann e Swiss Ski decidì da schliar il contract da lavur. Quai ha communitgà la federaziun da skis svizra.

Segessenmann è stà dal 2003 fin il 2018 schef da la nova generaziun, trenader e scheftrenader sin tut ils stgalims. Grazia a sia lavur è il sport da biatlon vegnì pli enconuschent en Svizra. Durant ses temp en uffizi ha tranter auter Selina Gasparin fatg ina medaglia olimpica a Sotschi il 2014.

Fin che Swiss-Ski ha chattà in successur per Markus Segessenmann surprenda il directur dal sport nordic la funcziun sco schef biatlon.

audio
Per tadlar: las novitads da las 06:00
05:43 min, RTR Audio dals 16.04.2021.
laschar ir. Durada: 05:43 minutas.

RTR novitads 16:00

Artitgels legids il pli savens

Scrollar a sanestra Scrollar a dretga