La Russa da 23 onns ha purschì in dir cumbat encunter Belinda Bencic. Prest trais uras hai cuzzà. Il gieu decisiv ha Bencic pudì dar en il terz set, tar il stan da 2:2. Tuttina ha ella duvrà pazienza enfin che sia victoria è stada clera. Pir cun ses 5avel matchball ha ella pudì gudagnar.
Uss stat Bencic en l'otgavelfinal. Là vegn ella a dar sco proxim encunter Anastasia Potapowa. La Russa da 19 onns ha battì l'Americana Madison Keys, la numra 19 dal mund, en dus sets.