Sia lavur saja ussa mo pli da coordinar e dad esser la persuna per respunder las dumondas che vegnan. Luana Bergamin derasa quietezza e di da sasez ch'ella na stoppia betg sa mesirar en ils ressorts ch'autras persunas mainan. Ina tscherta gnervusadad saja dentant schon er preschenta tar ella.
audio
Sfida da chattar voluntaris e voluntarias
ord Sport ed actualitad dals 26.02.2022.
laschar ir. Durada: 3 minutas 4 Secundas.
Dunna per dunnas cun dunnas
Specialmain loscha è Luana Bergamin da las dunnas che s'engaschan sco gidantras e voluntarias. En la famiglia da la cuppa mundiala da Lai sajan prest la mesadad dunnas – er en funcziuns clav dal comité d'organisaziun e sin pista. Uschia è il team ch'è responsabel per las lingias blauas sin pista in team stget feminin – tut anteriuras collegas da Luana Bergamin en la cuppa mundiala.