Suenter avair gudagnà il gieu ordaifer sonda saira cunter Ambri-Piotta, n'hai la dumengia betg tanschì per la victoria dubla. A chasa perda l'equipa da hockey da Tavau 1:2 suenter prolungaziun encunter Losanna. Andres Ambühl ha fatg ses segund gol da la stagiun gia en la quarta minuta. Silsuenter n'hai dentant ditg dà nagins gols, enfin che Losanna ha gulivà il gieu en la 42avla minuta. Ils osps han alura procurà en la 65avla minuta, pia en la prolungaziun per il resultat final da 1:2. Suenter otg gieus è il HCD sin plazza 5 da la tabella, cun 7 puncts retard sin ils ZSC Lions ch'èn a la testa da la tabella.
La sonda ha il club grischun anc battì Ambri-Piotta cun 4:2. Il gol da la victoria ha Andres Ambühl sajettà 6 secundas avant la fin en il gol vit. Igl è stà l'emprim gol da questa stagiun per Ambühl.
Ils ulteriurs resultats da questa fin d'emna:
- Berna - Bienna 4:2
- Kloten - Lugano 4:3 suenter sajettar penaltis
- SCL-Tigers – Friburg-Gottéron 1:2 suenter prolungaziun
- Rapperswil-Jona - Ajoie cun 2:0
- Zug – Genevra-Servette 2:1 suenter sajettar penaltis