Il EHC San Murezzan sto ir a la tschertga dad in nov trenader. Luigi Riva banduna il club engiadinais sin la fin da la stagiun 2021/2022. Riva aveva pir surpiglia il 2020 il post da Gian-Marco Trivella. L’anteriur giugader dad Ambri, survegn tenor communicaziun dal EHC, la schanza da bajegiar si en il Tessin en la Val Verzasca in nov center da sport. Quella schanza na veglia el betg manchentar.
La midada saja tuttina difficila, el haja adina sa sentì fitg bain en l'Engiadina. Avant che Riva ha surpiglia il post sco trenader principal è el durant onns stà responsabel per trenar ils juniors dal club.