Siglir tar il cuntegn

Header

cuntegn

Emprima partida Team Canada gudogna ses emprim gieu

Sco mintg'onn da Son Steffan cumenza a Tavau il turnier da la Cuppa Spengler. L'emprim duell è stà quel tranter Ambri Piotta e Dyamo Pardubice ed il segund tranter Frölunda HC e Team Canada.

Malgrà ch'ils Tessinais han cumenzà bain l'emprima partida dal turnier da la Cuppa Spengler, han els la finala stuì suttacumber a l'adversari da la Tschechia. Dynamo Pardubice ha gudagnà suenter prolungaziun cun 2:3. Els han pudì volver la partida ch'Ambri manava suenter l'emprim terz cun 2:0.

La saira ha alura Team Canada giugà cunter Frölunda HC. L'equipa da la Svezia n'ha gì nagina schanza e pers cun 0:4.

Spengler Cup – fans
Legenda: Onn per onn attira la Cuppa Spengler massa fans en il stadion a Tavau. Keystone

95avla ediziun da la Cuppa Spengler

Per la 95avla ha cumenzà en l'ultima emna da l'onn la Cuppa Spengler a Tavau. Sis teams cumbattan per il buccal, quai tranter ils 26 e 31 da december. L'emprima partida è stada Ambri Piotta cunter il team tschec da Dynamo Pardubice – ils dus teams da la gruppa Torriani. En la segunda partida dal di sa duelleschan il Team Canada cunter Frölund Göteborg.

Gruppa Torriani Gruppa Cattini
Ambri-Piotta Club da hockey Tavau
Dynamo Pardubice Team Canada
KalPa Kuopio Frölunda Göteborg

Istorgias da ed enturn il turnier da tradiziun

video
Tranter tradiziun e business – 100 onns Cuppa Spengler
Or da Cuntrasts dals 30.12.2023.
laschar ir. Durada: 25 minutas 24 Secundas.

RTR novitads 17:00

Artitgels legids il pli savens