Siglir tar il cuntegn

Header

cuntegn

Er suprastants ston ir Gross sco para relaschà da Schalke 04

purtret da Gross che lascha pender il chau.
Legenda: Christian Gross sto ir. Keystone

Schalke 04 è tenor rapports da medias sa separà dal trenader Christian Gross, dal suprastant Jochen Schneider, coordinatur da giugaders Sascha Riether ed il coach atletic Werner Leuthard. Ina conferma da vart dal club n'hai dentant anc betg dà. Sonda ha Schalke pers cun 1:5 encunter il VfB Stuttgart.

Relegaziun smanatscha

L'ultim da la tabella va encunter a la quarta relegaziun da sia istorgia. Gross aveva surpiglià Schalke avant dus mais, sco quart coach da la stagiun e cun il club sin l'ultim plaz da la tabella. Ad ell n'èsi dentant betg gartegià da manar il club ord la crisa. 8 dals 11 gieus ch'il club ha dà sut sia batgetta, han els pers. El giaschan ussa 9 puncts enavos al proxim rang 15.

Avant il gieu encunter VfB haja quai dà ina revolta dals giugaders encunter il coach, han rapportà diversas medias. Dumengia endamaun hai gia dà purtrets da Gross che banduna ses hotel cun valischa pachetda.

Venderdi frunta Schalke 04 en il duel per la relegaziun sin il FSV Mainz 05 cun il suprastand da sport Christian Heidel, ch'è er gia stà en acziun per Schalke.

RTR novitads 10:00

Artitgels legids il pli savens