L'Engalterra batta la Germania il mardi saira en l'otgavelfinal da l'Euro 2020, quai cun 2:0. Uschia è l'Engalterra vinavant en il quartfinal. Sajettà ils gols per ils Englais han Sterling e Kane.
Ils Tudestgs ston turnar a chasa suenter questa terrada. Uschia è quai er stà l'ultim gieu dal trenader da la naziunala tudestga, Joachim Löw.
Ucraina per l'emprima giada en il quartfinal
En l'ultim otgavelfinal da la EURO2020 ha l'Ucraina gudagnà cunter la Svezia cun 2:1 suenter prolungaziun. En la 121avla minuta ha Artem Dowbyk realisà il gol da la victoria.
Questa sonda fruntan ils Englais uschia en il quartfinal sin l'Ucraina.