Siglir tar il cuntegn

Header

cuntegn

Euro 2020 Christian Eriksen survegn in defibrillatur

Eriksen era dà ensemen durant il gieu encunter la Finlanda ed ha stuì vegnir reanimà.

Suenter plirs dis d'examinaziuns en l'ospital, hajan ins constatà tar el in disturbi dal ritmus dal cor che ha chaschunà ch'el ha survegnì durant il gieu in'attatga dal cor. Perquai duai el uss survegnir in defibrillatur.

Eriksen sez haja già confermà da laschar far l'operaziun. Il defibrillatur na munta betg, ch'el sto dar si sia carriera sco profi. L'internaziunal Neerlandais Daley Blind e la Tudestga Katharina Bauer, che siglia cun l'asta, han er defibrillaturs e tegnan pitg en il sport da prestaziun.

Defibrillatur da ICD

Avrir la box Serrar la box

In defibrillatur da ICD, sco quai che Eriksen duai survegnir in, è in apparat fitg pitschen che sumeglia in stimulatur dal cor (Herzschrittmacher). Quel vegn implantà tar persunas che han in ristg augmentà per problems cun il ritmus dal cor.

Trais dis suenter ses collaps durant l'EURO era il giugader da ballape danais, Christian Eriksen, sa drizzà als fans. El ha engrazià per il grond sustegn da l'entir mund e ditg ch'i giaja bain cun el, tenor las circumstanzas.

RTR novitads 11:00

Artitgels legids il pli savens