Siglir tar il cuntegn

Header

cuntegn

Euro 2020 Football's coming home u notte magica?

Ursin Lutz e Serafin Lehmann tradeschan per tge equipa che lur cor batta. Omadus èn Svizzers han dentant ina speziala simpatia per in dals dus finalists.

L'Englais

Ursin Lutz, oriund da Rabius, che abitescha a Domat è gia daditg in simpatistant e fan da l’equipa englaisa. E quai malgrà ch’el ha naginas ragischs sin l’insla. Avant radund 20 onns saja el stà en l’Engalterra per emprender englais. La cultura da quest pajais haja immediat tschaffà el.

La cultura cun ils pubs che vivan per il ballape, la glieud ed er la lingua han immediat fascinà mai.
Autur: Ursin Lutz fan da l'Engalterra
audio
Euro 2020: Il fan da l'Engalterra Ursin Lutz avant il final
03:07 min, Sport ed actualitad dals 10.07.2021.
laschar ir. Durada: 03:07 minutas.
Ursin Lutz
Legenda: Ursin Lutz Dapi radund 20 onns è el fan dals Englais. Mad, Ursin Lutz

En il final tranter l'Italia e l'Engalterra na spetga Ursin Lutz betg in spectacul. Segir è cha nagin vul ristgar damemia. El fissi dentant leds, sch'i na dessi betg puspè ina prolungaziun u ina lutga da penaltis. Gliez hai dà avunda durant quest turnier. El speria semplamain ch'ils Three Lions van per quest titel da campiun d'europa. Dapi il 1966 spetgan ils Englais sin in titel ad in turnier grond.

Il Talian

Serafin Lehmann da Sumvitg è gia dapi ch'èl è in giuven buob fan da l'Italia. Ragischs talianas n'ha el naginas. El sa regorda dentant anc daco ch'el ha cumenzà a sustegnair la Squadra Azzurra.

Cu jau hai cumenzà a dar ballape ha mia mamma cumprà in tricot da l'Italia. E dapi lura sundel jau fan dad els.
Autur: Serafin Lehmann fan da l'Italia
audio
Euro 2020: Il fan da l'Italia Serafin Lehmann avant il final
02:56 min, Sport ed actualitad dals 10.07.2021.
laschar ir. Durada: 02:56 minutas.

Serafin Lehmann en acziun
Legenda: Serafin Lehmann en acziun Il giuven da 25 onns en acziun (sanester) cun il tricot dal CB Trun Rabius. MAD, US RUEUN

Il giuven, che dat era sez anc ballape, spera sin in bun final cun bleras acziuns offensivas sin omaduas varts. E natiralmein che ses Talians pon auzzar ad ault a la fin il buccal. Il 2006 ha l'Italia la davosa giada pudì triumfar ad in turnier grond. Numnadamain en il final dal campiunadi mundial.

RTR actualitad 17:00

Artitgels legids il pli savens

Scrollar a sanestra Scrollar a dretga