La victoria da Krasnodar è giustifitgada, er sche l'equipa russa ha duvrà in sbagl dal defensur da Basilea Omar Alderete. 20 minutas avant la fin ha il Paraguaian fatg in foul aifer la lingia da 16 meters. L'attatgader Ari da Krasnodar ha sajettà il penalti e laschà nagina schanza al goli da Basilea, Jonas Omlin. Il gieu a chasa cunter Krasnodar ha Basilea gudagnà cun 5:0.
Ils Young Boys han manchentà, per il mument, ils sedeschavel finals da L'Europa League. Ils Bernais han pers la partida a chasa, cunter Porto cun 1 a 2. Il gol per ils Young Boys ha sajettà Christian Fassnacht gia en la 6 avla minuta.
Lugano ha pers la partida cunter Kopenhagen cun 0 ad 1. Uschia è il chapitel Europa League a fin per questa stagiun per il club tessinais.
RTR novitads 23:00