Premiera da Thun suenter 16 onns
Las emprimas 20 minutas da mintga mesadad ha Thun pudì tegnair cunter a l'equipa russa. Lura han lez pudì sajettar ils emprims gols ed han manà da pausa cun 2:0. Suenter pausa han Nias Hefti (52.) e Simone Rapp (59.) pudì egualisar aifer set minutas al 2:2. Il goli da Thun, Guillaume Faivre, ha tegnì en la 66avla minuta in penalti e mantegnì il pari. Pauc pli tard (73.) ha Selimchan Bakajew dentant tuttina pudì sajettar il gol da la victoria.
A Thun smanatscha uschia da crudar or gia en l'emprima fasa da qualificaziun, 16 onns suenter lur premiera internaziunala.
Espanyol ina classa memia ferm per FCL
Suenter che Lucerna ha gudagnà senza persvader cunter Klaksvik, l'equipa da las Inslas Feroe, è l'equipa spagnola da Espanyol Barcelona in auter caliber. Lucerna ha gì da defender bler ed ha strusch gì schanzas da sajettar in gol. La finala ha Espanyol gudagnà cleramain cun 0:3 ed ha fitg bunas schanzas da vegnir vinavant.
Vaduz surdumandà
En il Rheinpark stadion ha l'FC Vaduz pudì giugar avant in stadion quasi plain. Quai n'ha dentant betg pudì animar ad in exploit. La differenza tranter il club da la Challenge League e l'emprima Bundesliga èn stadas vesaivlas. La finala perda Vaduz cun 0:5 cunter Eintracht Frankfurt.
RR novitads 22:00