Als European Hockey Awards èn gist dus represchentants dal hockey svizzer vegnids undrads: Per l’ina ha Andres Ambühl dal HCD survegnì l’uschenumnà «Warrior Career Excellence Award». Questa distincziun va al giugader che gioga exemplaricamain cun corp ed olma. Il giugader da record dal campiunadi mundial da Tavau è sa profilà tar l’elecziun tranter auter cunter il Tschec Roman Cervenka dals Rapperswil-Jona Lakers che tutgava tar ils tschintg finalists.
Per l’autra è Dan Tangnes, il trenader dal campiun svizzer Zug, vegnì onurà sco «trenader da l’onn».