Discutar e filosofar sur da hockey sin glatsch – gliez fa il Surmiran fitg gugent, spezialmain davart ses HCD – il club da ses cor. Uschia sa chapeschi da sasez che Guido Schaniel è actualmain - durant ils playoffs - en fevra da hockey. Mintga gieu da Tavau persequitescha el plain tensiun, u a chasa avant la televisiun u magari er en il stadion.
Ils playoffs èn er per mai il pli bel temp da l'onn.
En noss discurs al telefon lascha el reviver in zic ses mintgadi durant ils playoffs ed analisescha il duel guliv cunter Losanna ch'ha lieu actualmain sin il glatsch. E mo tant : L’um pensiunà da 74 onns viva durant quest temp quasi per il hockey sin glatsch e ses HCD.
