La terrada encunter ils Grasshoppers è probabel stada ina da memia. Il FC Basilea ha gì dapli schanzas, ha dentant anc survegnì en la 94avla minuta il 0:1. Uss ha il Club da ballape da Basilea relaschà per immediat Alex Frei, il trenader dal club.
Frei era vegnì nominà la stagiun 2022/23 sco trenader, n'ha però betg pudì ademplir las spetgas. Da las ultimas set partidas en la Super League ha il club be gudagnà ina ed è il mument uschia sin plazza set da la tabella.
Ad interim surpiglia il directur da sport Heiko Vogel il post da trenader, quai fin ch'ins ha chattà in nov. Il president dal cussegl administrativ David Degen ha annunzià ch'ins vegnia a vesair suenter la pausa dal campiunadi mundial in auter FC Basilea.
audio
Per tadlar: las novitads da las 10:00
ord RTR Audio dals 07.02.2023.
laschar ir. Durada: 2 minutas 21 Secundas.