Siglir tar il cuntegn

Header

Curdin ed Armon Orlik
Legenda: Ils dus frars Curdin ed Armon Orlik turnan a chasa cun in cranz federal. swiss-image
cuntegn

Festa federala da lutga Joel Wicki è il nov retg da lutga – Armon Orlik va per in cranz

La pli gronda occurrenza da sport en Svizra è passada. 274 lutgaders han cumbatì per cranzs ed onur – persequità da radund 400'000 visitadras e visitaders.

audio
Joel Wicki è il nov retg da lutga
ord Actualitad dals 29.08.2022.
laschar ir. Durada: 2 minutas 53 Secundas.

Cun Joel Wicki ha la Svizra survegnì in nov retg da lutga. Dapi il 1986 è el l'emprim lutgader da la Svizra Centrala che daventa retg. En la lutga finala ha el mess en dies a Mathias Aeschbacher en in cumbat fitg activ.

video
Suenter 12:41 min. metta Wicki en dies Aeschbacher
Or da Sport-Clip dals 28.08.2022.
laschar ir. Durada: 14 minutas 15 Secundas.

Orlik: «Avess gugent gì anc dapli»

Armon Orlik finescha la festa federala cun in 6avel plaz e po uschia turnar a chasa cun in cranz. Per il Grischun è quai gia il terz cranz. En tut ha el gudagnà quatter lutgas, trais giadas ha el fatg in pari ed ina lutga ha el pers – lezza encunter il retg da la Festa federala da Zug, Christian Stucki. Cun sia prestaziun saja Armon Orlik cuntent, el avess dentant tuttina sa giavischà in megler resultat.

audio
Armon Orlik guodgna ses terz cranz federal
ord Actualitad dals 29.08.2022.
laschar ir. Durada: 2 minutas 26 Secundas.

Per ils auters Grischuns – Christian Biäsch, Marc Jörger, Corsin Jörger e Roman Hochholdinger – n'hai betg bastì per in cranz. Els pon turnar cun in'experientscha dapli en satg.

video
Ils frars Jörger èn l'emprima giada a la festa federala da lutga
Or da Telesguard dals 29.08.2022.
laschar ir. Durada: 4 minutas 32 Secundas.
audio
Pratteln: Marc Jörger da Domat suenter Festa federala 2022
ord Actualitad dals 29.08.2022.
laschar ir. Durada: 3 minutas 6 Secundas.

Ina festa gigantica gartegiada

La festa da lutga federala è la pli gronda occurrenza da sport en Svizra. Ils organisaturs han savì beneventar passa 400’000 visitaders a Pratllen. Bun 51’000 persunas han pudì persequitar las lutgas en l’arena. Malgrà las fullas da glieud ch’èn vegnidas a mirar ils megliers ‘nauschs’ da l’entir pajais, n'ha quai dà nagins incaps pli gronds. Tut ha funcziunà bain, dal concept da traffic, fin tar il concept da segirezza e l’alimentaziun. Er sche las colonnas davant ils stans da magliar ed las 1’000 tualettas mobilas eran tranteren magari lungas.

audio
Bilantscha: «Ina festa plain emoziuns ed impressiuns»
ord Actualitad dals 29.08.2022.
laschar ir. Durada: 7 minutas.

Il andament en detagl da la Festa federala da lutga pudais leger qua en il liveticker.

RTR actualitad 07:00

Artitgels legids il pli savens

Scrollar a sanestra Scrollar a dretga