Siglir tar il cuntegn

Header

Nicola Spirig suenter in success cun ina bandiera svizra.
Legenda: Il palmarès da success da Nicola Spirig è lung. Keystone
cuntegn

Fin da l'onn Nicola Spirig chala sia carriera

La fin da l'onn chala la triatleta turitgaisa sia carriera. Nicola Spirig è stada il 2012 campiunessa olimpica a Londra e durant 25 onns en l'elita mundiala da triatlon.

Cun 40 onns tira Nicola Spirig in stritg final sut sia carriera da success sco triatleta. Sper aur olimpic il 2012 a Londra ha ella gudagnà in'ulteriura medaglia olimpica ed è stada en tut a tschintg gieus olimpics da stad. Sper quai è ella daventada set giadas campiunessa europeica ed ha recaltgà pliras medaglias a campiunadis mundials. Er il titel sportista da l'onn ha Spirig survegnì, quai il 2012.

Il zercladur spetga cun il «Sub8» in ultim grond project sportiv Nicola Spirig. La finamira da questa occurenza è da currer in ironman cun pacemakers e cundiziuns da traject idealas. L'idea è d'uschia currer l'ironman sut otg uras, ils umens han la finamira da currer quel sut set uras.

Ord l'archiv

Nicola Spirig ha adina puspè trenà en l'Engiadin'Ota e tranter auter er organisà occurenzas da triatlon.

video
«sil punct» dals 07.08.2017
Or da sil punct dals 07.08.2017.
abspielen. Laufzeit 5 minutas 39 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga