La spezialista dal slalom Charlotte Chable ha declerà da sa retrair dal sport professiunal. Quai ha communitgà la skiunza da 27 onns dal chantun Vad. Sia ultima cursa da la cuppa mundiala ha ella absolvì il favrer 2020. La stagiun passada ha ella manchentà cumplettamain, perquai ch'ella ha rut il settember 2020 in liom cruschà. Quai è stà la quarta giada en sia carriera, ch'ella è sa blessada vi d'in liom cruschà.
Ses meglier resultat da la cuppa mundiala ha Charlotte Chable realisà il november 2015, sco 9avla en il slalom dad Aspen en ils Stadis Unids. Il favrer 2015 ha ella absolvì al campiunadi mundial da Vail/Beaver Creek il slalom, ed è daventada 15avla. La dunna da 27 onns cumenza davent dad immediat in studi da las scienzas da la communicaziun.