Siglir tar il cuntegn

Header

cuntegn

Final a San Murezzan Be ina Svizra al final da la cuppa mundiala

L’elita mundiala dal sport da la schlitta da cursa cumbatta a San Murezzan per las davosas plazzas da podest da la stagiun. L’equipa svizra gioga ina rolla marginala.

Cun 145 kilometers l’ura sin ina schlitta da cursa giu dad in chanal da glatsch. Quai è insatge be per ils pli curaschus. Sportistas e sportists da la schlitta da cursa na san betg desister sin questa experientscha plain adrenalin. Ils megliers da la cuppa mundiala èn durant questa fin d’emna a San Murezzan.

En l'olympia bobrun da San Murezzan a Schlarigna datti il cumbat per las davosas plazzas da podest da questa stagiun. Il lieu en Engiadin'Ota ha surpiglià il final da la cuppa mundiala da Peking. Per il mument n'èsi betg pussaivel da far il viadi en il lieu dals proxims Gieus Olimpics.

audio
Gregory Carigiet davart il olimpia bobrun a San Murezzan
ord Actualitad dals 04.02.2021.
laschar ir. Durada: 18 Secundas.
purtret da Gregory Carigiet
Legenda: Gregory Carigiet ha fatg part als gieus olimpics a Sotschi il 2014. Curt suenter ha el terminà sia carriera da sport. SRF


Gregory Carigiet è stà il davos grischun en la cuppa mundiala

Divers onns è Gregory Carigiet da Cuira stà in dals paucs atlets svizzers en la cuppa mundiala da la schlitta da cursa. Blers onns ha el cumbattì per plazs da podest en la cuppa mundiala ed ina giada perfin per medaglias als gieus olimpics. L’onn 2014 ha el pudì far part als gieus da Sotschi en Russia.

Curt suenter quest punct culminant en sia carriera ha il sportist ch'aveva lura 27 onns terminà sia carriera activa. Quai pervia da memia pauc sustegn da la federaziun, dentant era da sponsurs. Carigiet era unfis da cumbatter per sia gronda passiun.

audio
Gregory Carigiet davart situaziun dal sport da la schlitta da cursa en svizra
ord Actualitad dals 04.02.2021.
laschar ir. Durada: 3 minutas 15 Secundas.


Cader svizzer anc adina fitg pitschen

Durant la stagiun actuala che va a fin cun las cursas a San Murezzan è mo ina sportista svizra part da la cuppa mundiala da la schlitta da cursa. Natalie Maag dal chantun Turitg è l’unica ch'è da la partida. Anc adina manca al sport ina basa da giuvnas e giuvens pli vasta, anc adina mancan structuras che sustegnan ina tala carriera. Ed anc adina mancan savens ils daners per finanziar ina tala carriera er per avair top material. En la cuppa mundiala è il material, è la schlitta, dad enorma impurtanza e da congualar cun la furmla 1.

RTR actualitad 17:00;

Artitgels legids il pli savens