L'aura fa il mument in stritg tras ils quints dals organisaturs dal final da la cuppa mundiala a Lai. Ina segirezza dentant han els, ed uschia er las atletas ed ils atlets. «Il plan da cursas dal di resta» quai conferma il president dal comité d'organisaziun Peter Engler. Il punct 19.1 dal reglament da la FIS numnadamain scumonda in spustament dalas cursas sin in auter di.
Pront
L'organisaziun saja pronta, uschia Engler ed er la naiv nova na saja nagin problem sincerescha il president dal comité d'organisaziun. Per cass d'urgenza stattan a disposiziun 70 persunas che savessan vegnir per stumplar or culs skis la pista da cursa.