Il skiunz da freestyle da Flem, Andri Ragettli va per la pitschna culla da cristal en il Big Air. Il terz plaz a l'ultima concurrenza da la stagiun dal Big Air a Tignes ha tanschì al Grischun per gudagnar la disciplina.
Il Grischun ha mo stuì far plaz ad il victur Alexander Hall dals Stadis Unids ed al Norvegiais Leo Landroe sin il podest. 3,5 puncts han mancà ad el per la victoria a Tignes.
Gremaud cun duas cullas pitschnas e la culla gronda
Tar las dunnas ha Mathilde Gremaud gudagnà la concurrenza en Big Air il venderdis ed è vegnida segunda en la concurrenza da Slopestyle la sonda. Uschia ha la Friburgaisa da 24 onns gudagnà omaduas cullas da disciplina. Sper quai aveva ella er gia segirà la culla gronda, per la megliera atleta da freestyle. Gramaud è l'emprima dunna insumma che gudogna trais cullas en in enviern.
