En l’ultim percurs è gartegià a Ragettli da far il pass sisum il podest. Ils emprims dus percurs n'eran betg gartegiads sco giavischà a Ragettli. Entras in percurs fitg pretensius ha il giuven da 22 onns dentant anc pudì far il pass sisum il podest. Quai cun 90,65 puncts.
Per Andri Ragettli èsi l'emprima medaglia a campiunadis mundials. Cun Kim Gubser sco 5avel ha in'ulteriur Svizzer pudì persvader.
Er ina medaglia per las dunnas
Er tar las dunnas datti da festivar ina medaglia svizra. Mathilde Gremaud è ida per la medaglia d'argient. Sulettamain la chinaisa Eileen Gu ha fatg dapli puncts che la giuvna da 21 onns.
Er per Gremaud èsi l'emprima medaglia a campiunadis mundials. Il 2018 aveva ella dentant gia gudagnà argient als gieus olimpics a Pyeongchang.