La furmla 1 è en malencurada per Frank Williams. Il fundatur e anteriur schef dal team britannic Frank Williams è mort cun 79 onns. Quai ha communitgà sia famiglia. El era fin tar sia extrada uffiziala il 2020 il pli vegl chef da team da la furmla 1. Pervia da sia schletta sanadad era el gia dapi onns betg pli tar ina cursa. Il venderdi haja el stuì ir en l'ospital nua ch'el saja sa durmentà la dumengia damaun marvegl.
Williams ha fundà la squadra da cursa da furmla 1 l'onn 1977 ensemen cun Patrick Head e festivà, tranter auter set titels da campiun mundial cun ses pilots e 114 victorias tar Gronds Premis.