Grazia a sia 7avla victoria questa stagiun ha il Brit mo pli 8 puncts pli pauc ch'il leader dal classament Max Verstappen. Igl spetgan anc duas cursas – l'emprim grond premi da l'Arabia Saudita en duas emnas e il final ad Abu-Dhabi.
Ina gronda surpraisa è la plazza da podest dal Spagnol Fernando Alonso. Igl è l'emprima giada dapi 7 onns che Alonso ha fatg il pass sin il podest. L'ultima giada è stà il 2014, alura anc per Ferrari, al grond premi da l'Ungaria.
Alfa Romeo senza puncts
Gia per la 15avla giada questa stagiun han ils pilots dad Alfa Romeo, Antonio Giovinazzi e Kimi Räikönnen manchentà ils puncts. Räikönnen è vegnì 14avel, Giovinazzi 15avel.
