Siglir tar il cuntegn

Header

Verstappen auda durant l'intervista ch'el è campiun mundial
Or da Sport-Clip dals 09.10.2022.
cuntegn

Furmla 1 Max Verstappen è campiun mundial suenter gronda confusiun

Max Verstappen dominescha quest onn la furmla 1. Il manischunz da Red Bull gudogna il Grond premi dal Giapun, quai è gia la dudeschavla victoria questa stagiun.

Cunfusiun suenter la cursa

Che questa victoria segira er ses segund campiunadi mundial n'era dentant betg cler suenter la cursa. Pir durant l'intervista è Verstappen vegnì infurmà da ses success. Ses rival Charles Leclerc è vegnì relegà da la segunda sin la terza plazza perquai ch'el ha prendì ina scursanida durant l'ultima runda. Ed er sche la cursa sin il percurs da Suzuka è vegnida interrutta e scursanida pervi da plievgia hai dà tut ils 25 puncts per la victoria.

Cun quai è l'Ollandais da 25 onns uffizialmain campiun mundial per la segunda giada. Suenter sia victoria dramatica en l'ultima cursa l'onn passà ha el quest onn gia segirà il titel quatter cursas avant la fin da la stagiun.

Segund è vegni il collega da team Red Bull Sergio Perez e terz il rival per il campiunadi mundial Charles Leclerc da Ferrari. Alfa Romeo n'ha betg fatg puncts. Valteri Bottas è vegnì 15avel e Zhou Guanyu 16avel.

Ord l'archiv:

video
La carriera da Max Verstappen
Or da Sport-Clip dals 09.10.2022.
laschar ir. Durada: 2 minutas 11 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga