Furmla 1 - Max Verstappen gudogna a Budapest

Il dominatur da la furmla 1, Max Verstappen, ha era gudagnà il Grond Premi da l'Ungaria. Ed uschia ha el realisà cun sia squadra in nov record. Red Bull è uss ì per 12 victorias en seria e cunquai ina dapli che McLaren cun Ayrton Senna ed Alain Prost l'onn 1988. La dumengia a Budapest ha Verstappen gudagnà avant Lando Norris e Sergio Perez. Ils Alfa Romeo cun Valtteri Bottas e Zhou Guanyu èn sa rangads sin ils plazs 12 e 16.