Il campiun mundial e pilot da Red Bull Max Verstappen gudogna il sprint ad Imola. Segund è vegnì il pilot da Ferrari Charles Leclerc avant il collega da Verstappen en il Red Bull Sergio Perez. Verstappen ha surpassà Charles Leclerc en il Ferrari be gist duas rundas avant la fin. Leclerc ha vers la fin gì da sbatter cun ils pneus ch'èn isads fitg svelt uschia ch'el n'ha betg pudì tegnair ses prim plaz e perda cun quai er la pole-position per la cursa da dumengia.
Valterri Bottas en l'Alfa Romeo-Ferrari è vegnì setavel. Ses collega d’equipa Zhou Gangyu è crudà or.
