Siglir tar il cuntegn

Header

cuntegn

Furmla 1 Ocon è victur da sensaziun – Vettel disqualifitgà

Il grond premi da l'Ungaria è stà turbulent. Il Franzos, Esteban Ocon è surprendentamain vegnì emprim. Lewis Hamilton maina puspè il classament general.

Legenda: Esteban Ocon è il victur surprendent dal percurs en Ungaria. Keystone

Il podest:

  • 1. Esteban Ocon (FRA, Apine-Renault)
  • 2. Lewis Hamilton (GBR, Mercedes)
  • 3. Carlos Sainz (ESP, Ferrari)

Sebastian Vettel era oriundamain ì sin plazza 2. El è dentant vegnì disqualifitgà suenter la cursa, perquai ch'el n'aveva betg pli avunda benzin en il tanc. Numnadamain be 0,3 liters empè dad 1 liter. Uschia glischna suenter er Kimi Räikkönen en Alfa Romeo che survegn in punct.

Ocon giubilescha – Hamilton nov leader

Esteban Ocon ha gudagnà il grond premi da l'Ungaria en l'Alpine-Renault. Quai è l'emprima victoria da sia carriera – e quai surprendentamain. Gist suenter el èn vegnids Vettel e Hamilton sin il podest. Hamilton ha pudì gudagnar enavos il chau dal classament general.

Crash en l'emprima storta

Il trio surprendent pon ins manar enavos sin in accident a l'entschatta da la cursa. Il pilot da Mercedes, Valtteri Bottas ha franà fauss ed è sajettà sur l'emprima storta da la cursa ora. Cun perder ses grip ha el gist anc rumì giu plirs auters autos.

Bottas chaschuna crash en emprima storta
Or da Sport-Clip dals 01.08.2021.

Betg be per Bottas è la cursa lura stada a fin. Er Sergio Perez, Charles Leclerc e Lance Stroll èn crudads or. Max Verstappen è crudà enavos sin plazza 13 e n'ha betg pudì attatgar.

Bottas ha survegnì chasti

Avrir la box Serrar la box

Valtteri Bottas ha survegnì in chasti suenter la cursa perquai ch'el ha chaschunà l'accident. Per il proxim GP sto Bottas cumenzar il percurs tschintg plazzas pli enavos. Er Lance Stroll ha survegnì il medem chasti.

Hamilton sulet al re-start

Il re-stars ch'i ha dà suenter la cursa ha chaschunà in curiosum: Sin il percurs entant puspè sitg, han tut ils manischunzs cun excepziun da Hamilton midà ils pneus. Sulet il Brit è stà a la lingia dal start. El ha midà ils pneus pir ina runda pli tard ed è lura sa tschentà a la fin da la cursa. Dentant ha el suenter dà tut ed ha pudì trair suenter als auters. En il cumbat pe il titel ha el puspè pudì surpassà Verstappen. Hamilton maina entant cun 192:186.

RTR novitads 18:00

Artitgels legids il pli savens

Scrollar a sanestra Scrollar a dretga