Max Verstappen parta questa dumengia davent da la pole position en il Grond Premi da l’Austria. Il pilot da Red Bull è stà en la qualificzaziun dus tschientavels secunda pli svelt che Valtteri Bottas. Pervi dad in sbagl da Bottas dal venderdi è quel vegnì classà per trais plazs enavos. Il plaz da partenza da Bottas en l’emprima lingia va uschia a Lewis Hamilton. Sco terz parta il Brit Lando Norris e sco quart Sergio Perez.
Ils pilots dad Alfa Romeo, Antonio Giovinazzi e Kimi Raikönnen, partan da las posiziuns 15 e 18.