Sergio Perez sin Red Bull ha gudagnà il Grond Premi da la Furmla 1 a Monaco. Pervi da la plievgia ha la cursa cumenzà cun passa in'ura retard. Segund è daventà Carlos Sainz sin Ferrari, terz Max Verstappen sin Red Bull.
Malgrà Pole Position, è Charles Leclerc mo sin il quart plaz
Pervi d'in sbagl strategic è Charles Leclerc sin Ferrari, ch'era partì da la pole position, vegnì mo quart. Valteri Bottas è daventà 9avel ed ha gudagnà dus ulteriurs puncts per Alfa Romeo.
Charles Leclerc, il pilot da Ferrari ha dumagnà la qualificaziun avant ses collega d'equipa, Carlos Sainz e Sergio Perez sin Red Bull. Il campiun mundial e leader dal classament general, Max Verstappen è vegnì quart. Dapi 25 onns han gudagnà a Monaco sulettamain pilots ch'èn partids da las emprimas trais plazzas.