Grazia a la tschintgavla victoria en l'otgavla cursa da la stagiun, ha Verstappen pudì engrondir ses avantatg en il classament general. El è uss 21 puncts davant Perez e 34 davant Charles Leclerc. Il Monegass ch'era partì da la pole è crudà or pervi d'in donn dal motor. Er Carlos Sainz cun l'auter Ferrari n'è betg vegnì da finir la cursa.
Valtteri Bottas en l'Alfa Romeo è vegnì 11avel. Il Finlandais ha cun quai l'emprima giada quest onn betg fatg puncts tar ina cursa ch'el è vegnì en l'arrivada. Ses collega da team, il Chinais Zhou Guanu è crudà or suenter ch'el ha gì in problem mecanic, quai anc avant la mesadad da la cursa.