Siglir tar il cuntegn

Header

cuntegn

Garmisch-Partenkirchen Meillard sin il podest dal super-G

In pèr muments savurava l'aria a Garmisch d'ina victoria per Loïc Meillard. Cun il numer tschintg è el ì a la testa dal classament e ditg nagin che l'ha concurrenzà. Anzi, era favurits sco Marco Odermatt ubain Cyprien Sarrazin n'han betg pudì batter Meillard. Però cun ils numers 17 e 18 è il siemi lura stà a fin: L'emprim è il Talian Guglielmo Bosca stà 7 tschientavels pli spert che Meillard, e la finala ha il Franzos Nils Allegre gudagnà la cursa cun esser anc ina giada 18 tschientavels pli spert che Bosca. Per Allegre è quai l'emprima victoria en la cuppa mundiala.

Ed era sche Marco Odermatt sto sa cuntentar cun il plaz 4, ha el tuttina pudì distanziar anc pli fitg ses concurrents tant en il classament general sco era en il classament dal super-G.

Ils megliers 4

  • 1. Nils Allegre (FRA) 1:11,92 minutas
  • 2. Guglielmo Bosca (ITA) +0,18 secundas
  • 3. Loïc Meillard (SUI) +0,25 secundas
  • 4. Marco Odermatt (SUI) +0,28 secundas

Ils ulteriurs Svizzers

  • 7. Stefan Rogentin +0,48
  • 9. Franjo von Allmen +0,61
  • 12. Arnaud Boisset +0,65
  • 13. Gino Caviezel +0,68
  • 14. Justin Murisier +0,91
  • 30. Niels Hintermann +1,36

RTR novitads 14:00

Artitgels legids il pli savens