Legenda:
Roger Federer a chaschun d'in turnier l'entschatta favrer 2020 en l'Africa dal Sid.
Keystone
cuntegn
Gia per la 18avla giada - Federer danovamain il pli popular profi da tennis
Il Basilais da 39 onns ha survegnì las bleras vuschs tar la votaziun online dals fans. Quai ha l'organisaziun ATP communitgà. Uschia è Roger Federer per la 18avla giada en roda il pli popular profi da tennis.
Rafael Nadal è puspè vegnì undrà da ses collegas sco il pli fair giugader. Sco giugader ch'è sa sviluppà il pli ferm l'ultima stagiun è vegnì undrà il Russ Andrej Rublew. Il Serb Novak Djokovic che ha gudagnà quatter titels da Grand-Slam è vegnì undrà sco numer in dals umens.
L'uschenumnà «ATP-Award» vegn surdà tradiziunalmain mintgamai la fin da l'onn. Quai en differentas categorias.
