Siglir tar il cuntegn

Header

cuntegn

Gian-Marco Crameri Il HCD sa co volver ina seria cunter l'EV Zug

HCD, campiun da record, cunter EV Zug, campiun actual. Quai è il duel da mezfinal dal campiunadi svizzer da hockey. Era en questa seria è il HCD puspè cun 0:3 en retard. Gia l’onn 2008, cun Gian-Marco Crameri en il cader, era il HCD en la medema situaziun, ed ha anc stort la seria cunter Zug.

Anc ina sconfitta e la stagiun è a fin per il Club da hockey da Tavau. En la seria da mezfinal è il HCD cunter Zug cun 0:3 en retard. Sche Zug gudogna anc ina partida è il defensur dal titel en il final e per Tavau è la stagiun a fin. Pia nagut pli da perder per il Club da hockey da Tavau cunter Zug. Sin l’emprima egliada para la situaziun dal HCD senza speranza. Il HCD ha dentant gia mussà co ch'ins volva en questa situaziun ina tala seria cunter Zug.

audio
Gian-Marco Crameri, anteriur giugader dal HCD che aveva stort la seria
aus Actualitad vom 14.04.2022.
abspielen. Laufzeit 3 minutas 14 Sekunden.
A la fin n'has nagut pli da perder, ti sas dar libramain hockey, e quai è tissi per l’adversari.
Autur: Gian-Marco Crameri Anteriur giugader dal HCD

Anno 2008 sco exempel

Gia avant 14 onns era il Club da hockey da Tavau en la medema situaziun. Zug manava suenter trais partidas da quartfinal cun 3:0, l’equipa da la Svizra Centrala duvrava anc ina victoria per far il pass en la proxima runda. Lura ha Tavau dentant gudagnà il gieu a chasa, quai è lura stà il culp da partenza per volver anc questa seria. Pitschens detagls han fatg la differenza, cumenzà cun il savair ch'ins ha nagut pli da perder e da dar uschia liber e senza gronds quitads hockey. Empruvar insatge, esser creativ, sperar sin las qualitads dal goli che tegna ins en il gieu ed uschia enavant. Exact quai aveva il HCD fatg la stagiun 2008. Per repeter quest success er il 2022 vul quai dentant anc bler dapli. Omaduas equipas èn sa midadas fermamain. Era sche anc in u l’auter giugader da quella giada è anc adina da la partida.

Uschia sco che Zug gioga il mument decida Zug tgi che gudogna, e betg Tavau.
Autur: Gian-Marco Crameri Anteriur giugader dal HCD

RTR actualitad 17:00

Artitgels legids il pli savens

Scrollar a sanestra Scrollar a dretga