Siglir tar il cuntegn

Header

cuntegn

Gieu da test La Svizra gudogna cunter la Finlanda

video
La Svizra gudogna il test cunter la Finlanda
Or da Sport-Clip dals 31.03.2021.
laschar ir

Suenter las duas victorias cunter la Bulgaria e la Lituania en la qualificaziun per il campiunadi mundial, ha la squadra naziunala svizra era gudagnà il gieu da test cunter la Finlanda. Ils Svizzers han cuntanschì a Son Gagl in 3:2.

Per la decisiun ha procurà Haris Seferovic, cun ses gol a chau al 3:2 en la 86avla minuta. Preparà il gol ha Christian Fassnacht, quel aveva gia avant dà il pass decisiv tar il 2:2 da Ruben Vargas en la 57avla minuta. Il trenader Vladimir Petkovic aveva laschà dar tuts trais giugaders pir davent da la segunda mesadad.

Avant la pausa era la naziunala, cun betg main che 9 midadas da posiziun cumpareglià cun il gieu cunter la Lituania, stada l'emprim en avantatg grazia ad in gol da Mario Gavranovic. Lura aveva Joel Pohjanpalo marcà dus gols, uschia che Finlanda manava suenter las emprimas 45 minutas.

RTR novitads 23:00

Artitgels legids il pli savens

Scrollar a sanestra Scrollar a dretga