La pista da bob olimpica per ils gieus olimpics l’onn 2026 vegn uss tuttina construida a Cortina d’Ampezzo – la regenza taliana ha relaschà in decret legal per la construcziun da la bobera. Quest decret prevesa la planisaziun e la realisaziun da la pista da bob en in temp pli spert. La bobera vegn uschia construida a Cortina d’Ampezzo, ensemen cun Milaun in lieu clav dals proxims gieus olimpics d’enviern.
Anc l’atun aveva la regenza taliana ditg ch’ella renunzia la construcziun d’ina nova bobera. Sin quai avevan ins dumandà San Murezzan ed Innsbruck en l’Austria sch’els fissan pronts da surpigliar eventualas concurrenzas da bob.
