Suenter il success l'emprim di dals Gieus olimpics da giuvenils cun sis medaglias, po la Svizra era sa legrar il segund di d'ina medaglia.
Ski alpin: Bronz en la cumbinaziun
La bell'istorgia da Amélie Klopfenstein cuntinuescha, ella ch'era l'emprim mo sco reservista a Les Diablerets. Suenter far aur en il super-G il venderdi – cuntinuescha la giuvna da 17 onns dal Giura Bernais sia via da success.
En la cumbinaziun alpina sa ranghescha ella sco terza, davos l'Austriaca Amanda Salzgeber e Noa Szollos da l'Israel. En il slalom, quel ha furmà ensemen cun il super-G dal di avant il classament da la combi, ha ella pudì defender sia plazza da bronz.
RTR Sportissimo 17:00