Siglir tar il cuntegn

Header

video
Stöckli davart la delegaziun svizra e la finamira
Or da Sport-Clip dals 05.07.2021.
laschar ir
cuntegn

Gieus olimpics da stad 116 atletas ed atlets svizzers a Tokio

Swiss Olympic trametta 117 atletas ed atlets a Tokio. Igl è uschia la pli gronda delegaziun a gieus olimpics da stad dapi il 1996. Als davos gieus olimpics il 2016 a Rio de Janeiro eran stads da la partida 105 atletas ed atlets.

audio
Gieus olimpics a Tokio: Schanzas da Svizras e Svizzers
04:24 min, Actualitad dals 05.07.2021.
laschar ir. Durada: 04:24 minutas.

I dat dentant era in grond num svizzer che manca a Tokio: Roger Federer ha decis da desister dals gieus olimpics.

Dus grischuns a la partenza

In candidat da medaglia a Tokio è Nino Schurter. Il mountainbiker grischun vul defender ses titel olimpic gudagnà il 2016 a Rio. In dals gronds rivals da Schurter a Tokio è tranter auter ses cumpatriot Mathias Flückiger. Plinavant parta en la cursa da mountainbike dals umens anc il Tessinais Filippo Colombo.

La cursa da Nino Schurter tar RTR

Avrir la box Serrar la box

RTR rapporta da la cursa da cross country glindesdi, ils 26 da fanadur:

  • Al radio cun in'emissiun speziala 06:00 - 10:00, incl. commentari live da la cursa da cross country
  • Sin rtr.ch pudais guardar la cursa via livestream dad SRF 08:00 - ca. 10:00
  • La televisiun resumescha la cursa Sil punct las 17:45 sin SRF1

Plinavant porscha RTR era intervistas e videos dal sulet atlet rumantsch als gieus olimpics e nus essan sin visita tar ils geniturs da Nino Schurter.

Dasper Nino Schurter po anc in segund atlet grischun ir a la partenza a Tokio, numnadamain William Reais, il sprinter sur 200 meters.

Ils gieus olimpics tar RTR

Avrir la box Serrar la box

RTR tegna sin il current davart las prestaziuns sportivas a Tokio, cun in focus spezial sin ils dus atlets grischuns Nino Schurter e William Reais - dentant era cun resultats ed istorgias enturn la delegaziun svizra.

Plinavant preschenta radio RTR era il Giapun sper ils plazs da sport:

  • las 10:15 cun in schatg da la musica giapunaisa
  • las 11:45 cun in sguard sin la cultura, la cuschina e tradiziuns dal Giapun

Da tadlar live mintga di al radio ubain adina era sin rtr.ch.

Finamira 7 medaglias

La finamira da Swiss Olympic è che las atletas ed ils atlets svizzers turnan da Tokyo cun almain 7 medaglias. Quai ha Ralph Stöckli, il Chef de Mission a Tokio menziunà en ina conferenza da medias da Swiss Olympic. 7 medaglias avevan ils Svizzers er gia gudagnà il 2016 a Rio en la Brasilia.

video
Stöckli: «I dovra fitg blera pazienza a Tokyo»
Or da Sport-Clip dals 05.07.2021.
laschar ir

Ils olimpionics selecziunads:

  • Badminton (1): Sabrina Jaquet
  • Beachvolleyball (6): Nina Betschart, Joana Heidrich, Tanja Hüberli, Anouk Vergé-Dépré, Mirco Gerson, Adrian Heidrich
  • Dar spada (3): Max Heinzer, Michele Niggeler, Benjamin Steffen (tuts singul e team)
  • Golf (1): Albane Valenzuela
  • Judo (2): Fabienne Kocher, Nils Stump
  • Canu (3): Naemi Brändle (slalom), Martin Dougoud (slalom), Thomas Köchlin (slalom)
  • Carate (1): Elena Quirici
  • Gimnastica artistica (5): Giulia Steingruber, Christian Baumann, Pablo Brägger, Benjamin Gischard, Eddy Yusof
  • Atletica leva (30): Sarah Atcho, Riccarda Dietsche, Annina Fahr, Yasmin Giger, Andrina Hodel, Lore Hoffmann, Ditaji Kambundji, Mujinga Kambundji, Sarah King, Salomé Kora, Salome Lang, Silke Lemmens, Angelica Moser, Rachel Pellaud, Ajla Del Ponte, Cynthia Reinle, Fabienne Schlumpf, Delia Sclabas, Lea Sprunger, Martina Strähl, Tadesse Abraham, Loïc Gasch, Jason Joseph, Ricky Petrucciani, Jonas Raess, William Reais, Julien Wanders, Silvan Wicki, Alex Wilson
  • Mountainbike (6): Sina Frei, Linda Indergand, Jolanda Neff, Filippo Colombo, Mathias Flückiger, Nino Schurter
  • Ciclissem sin pista (6): Stefan Bissegger, Robin Froidevaux, Mauro Schmid, Théry Schir, Valère Thiébaud, Cyrille Thièry – l'atlet da reserva vegn anc definì
  • Velo/BMX (4): Zoé Claessens, David Graf, Simon Marquart, Nikita Ducarroz
  • Velo da via (5): Marlen Reusser, Marc Hirschi, Stefan Küng, Gino Mäder, Michael Schär
  • Chavaltgar (8): Bryan Balsiger, Martin Fuchs, Steve Guerdat, Beat Mändli (tuts siglir), Mélody Johner, Robin Godel, Felix Vogg (tuts eventing), Estelle Wettstein (dressura)
  • Lutga (1): Stefan Reichmuth
  • Remblar (9): Jeannine Gmelin, Frédérique Rol e Patricia Merz, Barnabé Delarze e Roman Röösli, Andrin Gulich, Joel Schürch, Paul Jacquot, Markus Kessler
  • Nudar (7): Lisa Mamié, Maria Ugolkova, Jérémy Desplanches, Antonio Djakovic, Nils Liess, Roman Mityukov, Noé Ponti
  • Navigar a vela/windsurf (6): Linda Fahrni, Maja Siegenthaler, Lucien Cujean, Maud Jayet, Mateo Sanz Lanz, Sébastien Schneiter
  • Raiver sportiv (1): Petra Klingler
  • Tir sportiv (2): Nina Christen, Heidi Diethelm Gerber
  • Tennis (3): Belinda Bencic, Viktorija Golubic
  • Pingpong (1): Rachel Moret
  • Triatlon (4): Jolanda Annen, Nicola Spirig, Andrea Salvisberg, Max Studer
  • Siglir en l'aua (1): Michelle Heimberg
video
Nino Schurter enconuscha gia la cursa a Tokyo
Or da sportpanorama dals 09.05.2021.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga