Il nudader tessinais Noè Ponti va per la proxima medaglia olimpica en il nudar per la Svizra. L'atlet da 20 onns ch'è per l'emprima giada a gieus olimpics ha gudagnà bronz sur ils 100 meters tgiralla. Cun ses temp da 50,74 segundas ha Ponti er gist realisà in nov record svizzer.
Gia il venderdi aveva Jérémy Desplanches gudagnà bronz sur 200 meters nudar en differents stils. L'ultima medaglia olimpica en il nudar per la Svizra vevi dà avant 37 onns.
