Ils gieus olimpics han lieu senza Roger Federer. Pervia da problems cun il schanugl desista el da dar il turnier a Tokio, quai scriva il giugader da tennis svizzer sin Twitter. Ils problems cun il schanugl era sa pegiurads durant il turnier da Wimbledon. Là aveva Federer pers cleramain la partida da quartfinal cunter il Polac Hubert Hurkacz. El haja gia cumenzà cun la reabilitaziun e saja fitg dischillusiunà ch'el stoppia desister, scriva Federer vinavant. El speria da pudair turnar anc questa stad sin la tura da tennis. e
I resta tar quatter giadas gieus olimpics
Uschia manchenta Roger Federer ses tschitgavels gieus olimpics. Gia il 2016 a Rio n'aveva el betg pudì giugar pervia d'ina blessura dal schanugl. Ses pli gronds success ha el festivà a Peking e Londra. A Penking ha Federer gudagnà la medaglia d'aur en il turnier dubel cun Stan Wawrinka. A Londra hai dà argient en il turnier singul.